Апталап жауған нөсер сап тиылғалы бері диқандар жаппай егін орағына кірісті.
Облыстық ауыл шаруашылығы басқармасы берген мәліметтерге қарағанда, астықты өңірде 1 млн 245 мың гектар алқаптың егіні бастырылған. Бұл жалпы егістіктің 28%-не тең.
Әзірге, комбайндар қарқыны бәсең. Өйткені, алқаптың басым бөлігі әлі де дымқыл. Дегенмен, диқандар күніне 80 мың гектардай алқапқа шалғы салып үлгіреді. Мамандардың айтуынша, күні бүгін облыс бойынша 1 млн 150 мың тонна астық жиналған. Аудандар арасында қарасулық шаруалар алда келеді. Олар 120 мың гектардың егінін орып алды. Қарасуда егіс алқабының жалпы аумағы 690 мың гектарға тең. Бірақ, мұнда бастырылған бидайдың көлемі облыстық көрсеткіштен төмендеу. Облыста 7 мың гектардың майлы дақылдары, 157 гектар картоп, 86 гектар көкөніс жиналған.
Әлібек ЫБЫРАЙ