Бұл туралы ҚР Президенті Қ.Тоқаев бүгінгі Жолдауында айтты.
“Осыған байланысты азаматтардың өмір сапасына тікелей әсер еткен кейбір шараларды атап өткім келеді. Мысалы, 2020 жылдан бастап мұғалімдердің жалақысы екі есеге өсті. Дәрігерлердің жалақысы да едәуір өсті, қазір олардың табысы елдегі орташа жалақыдан едәуір жоғары. Азаматтарға зейнетақы жинақтарының бір бөлігін пайдалануға мүмкіндік берілді.
Бұл шара миллионға жуық адамның әл-ауқатына пайдалы әсер етіп, олардың тұрғын үй мәселелерін шешуге мүмкіндік берді. “Жайлы мектеп” жобасы аясында 400-ге жуық мектеп салынады. Ауылдық жерлерде 300-ден астам денсаулық сақтау нысандары салынуда. “Ұлттық қор – балаларға” жобасын іске асыру басталды, оның шеңберінде жаңа жылдан бастап балалардың шоттарына қаражат түсе бастайды.
Мемлекет меншігіне 8 миллион гектар пайдаланылмаған немесе заңсыз берілген жер қайтарылды. Мен қазірдің өзінде іске асырылған бастамалардың бір бөлігін ғана атадым. Үлкен жұмыс жасалды және ол жалғасады”, – деді Президент.
@kazinform_news