Биыл бұл бағдарламаны қаржыландыруға 2 млрд 100 млн теңге қарастырылып отыр. Жоба аясында 34 жасқа дейінгі жастар баспана сатып ала алады.
— Өтінімдерді қабылдау 14 тамыздан басталып, 1 қыркүйекке дейін жалғасады, — дейді қоғамдық даму басқармасы басшысының орынбасары Абылайхан Кәкенов.
Құжаттар Қостанай облысының қала-аудандарының әкімдігі базасында қабылданады, ол үшін арнайы комиссиялар құрылады.
Шарттар бойынша, қарыздың ең жоғары сомасы – жылдық 5% мөлшерлемемен 15 млн теңге, бастапқы жарна кемінде 10% болуы тиіс. Несиелеудің ең ұзақ мерзімі – 19 жыл.
Бұл туралы толығырақ газетіміздің алдағы сандарынан оқи аласыздар.