Жаз басталысымен көптеген ата-ана балаларының демалысына лайықты жер іздейді. Әрине, қала сыртындағы лагерьде балаларды сауықтыруға болады. Облыста мұндай 11 лагерь бар.
Әрбір қала сыртындағы лагерь ашылу алдында рұқсат құжатын, яғни объектінің санитариялық талаптарға сәйкестігі туралы санитариялық-эпидемиологиялық қорытынды алады. Лагерьді таңдаған кезде ата-аналар лагерьге рұқсат бар-жоғын сұрауға тиіс.
Сауықтыру лагерінің басшысы объектіні балаларды қабылдауға дайындауы керек. Жазғы маусымның ашылуына дейін қала маңындағы лагерьде жөндеу-қалпына келтіру және алдын алу шараларын жүргізу қажет. Балаларды кене шағуынан қорғау үшін лагерь аумағын кенеге қарсы өңдеуді жүзеге асырыңыз, өйткені негізінен объектілер орман алқаптарында орналасқан. Жеткілікті көлемде сапалы ауыз сумен қамтамасыз ету, ауыз су режимін ұйымдастыру керек. Ол үшін су желілері мен таза су ыдысын жуу және дезинфекциялау қажет. Өнеркәсіптік өндірістің (бөтелкедегі) ауыз суын пайдалану таңбалау, сапасы мен қауіпсіздігін растайтын тауарға ілеспе құжаттама болған кезде жүргізілуге тиіс.Кулерлерді орнату кезінде көзделген нұсқаулыққа сәйкес оны жуу және өңдеу қамтамасыз етіледі, бірақ аптасына кемінде бір рет, дезинфекциялау құралдарын қолдана отырып, кемінде үш айда бір рет.
Ас блогының өндірістік үй-жайларында, кір жуатын бөлмеде, моншада, душта, жеке гигиена кабиналарында, медициналық мақсаттағы үй-жайларда ыстық сумен жабдықтауды (су жылытқыштарды) көздеу қажет. Балаларды шомылдыру аптасына 1 рет, төсек-орындары ауыстырыла отырып жүргізіледі.
Шомылу маусымы басталар алдында лагерь әкімшілігі су айдынын немесе бассейнді және топырақты зертханалық зерттеуі керек. Судағы қауіпсіздік шаралары қамсыздандырылады, су айдынының түбін тазарту жүргізіледі, тереңдігі балалардың шомылу орындарында 7-ден 1,3 м-ге дейін болуға тиіс. Шомылуға арналған су бетінің шекарасы жарқын, қалқымалы сигналдармен белгіленеді.
Жағажайдың аумағы күннен қорғайтын шатырлармен, шезлонгтармен және орындықтармен, киім ауыстыруға арналған кабиналармен, ойын құрылғыларымен, сондай-ақ күн ванналарын қабылдауға арналған солярийлермен, аэрарийлермен жабдықталады.
Жазғы кезеңде ас блогының өндірістік үй-жайларының санитариялық жағдайы, тоңазытқыш жабдықтардың жұмысы, ас үйде тамақ дайындаудың технологиялық процесінің сақталуы ерекше маңызға ие. Тиісті біліктілігі және медициналық тексеруі бар персонал ас блогында жұмыс істеуге жіберіледі. Тамақ өнімдерін арнайы автокөлікпен тасымалдау қажет.
Медицина қызметкері күн сайын ас блогының жұмысын бақылайды.
Ата-аналарға арналған ұсыныстар: балаларды жөнелту кезінде жылы заттарды, күн сәулесінен қорғайтын бас киімді, күннен қорғайтын кремді салуды ұмытпаңыз, азық-түлікті берудің қажеті жоқ, өйткені 5 рет тамақтану қарастырылған. Балаларды қала сыртындағы лагерьге қабылдау денсаулық жағдайы туралы құжат: 071/е нысаны бойынша «Сауықтыру лагеріне кететін оқушыға медициналық анықтама» және инфекциялық аурулармен байланысының жоқтығы туралы анықтама болған кезде жүзеге асырылады.
Жоғарыда аталған талаптарды орындау инфекциялық аурулар мен тамақтан уланудың пайда болуын болдырмайды және балалардың сауығуы мен демалуына қолайлы жағдай жасайды.
Балалар сауықтыру лагерінің, мектеп жанындағы алаңның басты міндеті балалардың дене саулығын нығайту және қатайту жөніндегі іс-шаралар болып табылады.Сондықтан ата-аналарға балалар демалысты қайда және қалай өткізетінін таңдау ғана қалады.
З.А. Елшібаева,
Қостанай облысының санитариялық-эпидемиологиялық
бақылау департаменті басшысының орынбасары