Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жариялады. Үндеудің толық мәтінін назарларыңызға ұсынамыз! Құрметті отандастар! Бүгін мен еліміздің азаматтарына арнайы үндеуімді жолдап отырмын. Баршаңызға белгілі, қазір елімізде күрделі жағдай қалыптасып отыр. Қардың күрт еруіне байланысты аймақтарда су тасқыны болып жатыр. Бұл – табиғи апат. Мұндай ахуал ұзақ жылдан бері болмаған. […]
Су тасқыны кезінде инфекциялық аурулардың өршігені туралы ақпарат тарады. Хабарламада краннан су ішуді тоқтату қажеттігі туралы кеңес айтылған. Мән-жайды жергілікті атқару органдары өкілдерінен және облыстық Санитариялық-эпидемиологиялық бақылау департаментінен анықтап білдік.
Қостанай ауданы әкімінің 2024 жылғы 5 сәуірдегі № 4 шешімімен, аудан аумағында қалыптасқан гидрологиялық жағдайға байланысты, жергілікті ауқымдағы табиғи сипаттағы төтенше жағдай жарияланды.
Қостанай қаласының тасқынға қарсы жедел штабының мәліметінше, Қаратомар су қоймасынан көп көлемде су ағызылуына байланысты, жағдай ушығып барады. Сондықтан тұрғындардан қауіпсіз жерлерге көшуге дайындалып отыру сұралады.
Қостанай ауданында су тасқынына қарсы жұмыстар бір сәтке кідіріс табар емес. Әсіресе, Тобыл қаласындағы алдын алу шараларына жергілікті атқарушы органдар қызу кіріскен. Өйткені бұл қаланы облыс орталығымен бөліп жатқан Тобыл өзенінің деңгейі біртіндеп көтеріліп келе жатыр.
Қостанай облысында алдын ала эвакуациялау жұмыстары жедел жүргізіліп жатыр. Бұл туралы облыс әкімдігі ақпарат таратты.
Жедел штабтың құрамына кіретін Жанкелдин ауданы кәсіпкерлер палатасы филиалының директоры Айдар Жамансарин бизнес залалды бағалау рәсімін ресімдеу үшін палатаның филиалына жүгініп жатқанын айтты.
Алапат су тасқыны Арқалық қалысы мен Аманкелді ауданында тоқтап, Жанкелдин ауданының бірқатар ауылына зардабын тигізді. Қазіргі таңда қарқыны баяулағаны байқалып отыр. Жанкелдин ауданында қауіпті аумақтардан құтқарылған адамдарға демеушілер мен ұжымдар тарапынан гуманитарлық көмек әлі де жеткізіліп жатыр.
Қостанай облысында су тасқынына қарсы жұмыстар жалғасып жатыр. Облыстық жедел штаб отырысында Қостанай облысының әкімі Құмар Ақсақалов халықты және үй жануарларын эвакуациялау бойынша барлық қажетті шараларды қабылдауды тапсырды.
Қостанай қаласындағы 6697 әскери бөлімінің жеке құрамының құрылғанына 53 жыл. Осы оқиғаға орай, Тобыл қаласындағы «Алтын дән» мәдениет үйінде Ұлттық ұлан сарбаздарына құрмет көрсетілді.
