Балық шаруашылығы комитеті құрылды

Үкімет қаулысымен Экология, геология және табиғи ресурстар министрлігінің қарамағында Балық шаруашылығы комитеті құрылды, — деп хабарлайды ҚазАқпарат.d6dfe67d4928755c3986f5b2b3782987_XL
Саланың жеке ведомствоға біріктірілуі жақында қабылданған балық шаруашылығын дамытудың 2030 жылға дейінгі мемлекеттік бағдарламасын тиімді жүзеге асыруға, балық өсіру, тұтыну және экспорт көлемін жоспарға сай арттыруға мүмкіндік береді.
Мемлекет басшысы 2020 жылғы Жолдауында Қазақстан балық шаруашылығының әлеуеті зор екенін ескере отырып, оны дамытуға баса мән бере қажеттігін айтқан.
Еске салайық, елімізде Ауыл шаруашылығы министрлігіі құрамында болған Балық шаруашылығы комитеті 2014 жылы таратылған.
Одан бері балық ресурстарын қорғау, тиімді пайдалану және көбейту саласындағы мемлекеттік саясатты Экология министрлігінің Орман шаруашылығы және жануарлар әлемі комитеті жүргізіп келеді.
Салаға қатысты міндеттердің комитет пен жергілікті атқарушы органдардың және балық шаруашылығындағы өзін өзі басқару субъектілерінің арасында бөлінуі орталықтандырылған түрде тиімді жұмыс істеуге кедергі келтіреді.
Ал жұмысты жүйелі түрде жүргізу арқылы мемлекеттік бағдарламада көрсетілгендей су ресурстарындағы балық өсіру көлемін 600 мың тоннаға жеткізуге болады.
Балық экспортын 300 мың тоннаға дейін арттыру жоспары да бар. Ол үшін 545 жаңа балық шаруашылығы құрылып, 323 шаруашылық толық жобалық қуатына шығады.
Қазіргі уақытта жаңа комитеттің алдында мемлекеттік бағдарламаның жүзеге асуына жол ашатын саланы мемлекеттік қолдау аясын кеңейту, заңнаманы жетілдіру, балық жемі өндірісін жолға қою, кадрлық қамтамасыз ету жұмыстарын атқару міндеттері тұр.
 
Сурет интернеттен алынды

Читайте также:

Добавить комментарий

Ваш адрес email не будет опубликован. Обязательные поля помечены *

↓