Мақсат – таралу тізбегін тоқтату

Қостанай облысының әкімі Архимед Мұхамбетов жұмыс сапарымен Рудныйда болып, күре жолдардағы орнатылған блок-бекеттердің жұмысымен танысты.

Қашар-Федоровка бағытын қоспағанда, еліміздің батысы мен солтүстігін байланыстырған республикалық автожол арқылы тәулігіне 3000 көлік өтіп келген. Карантин жарияланғалы бұл көрсеткіш он есеге азайды.

93380068_534216357487725_9159238885276325383_n93807768_229884461418335_7419920800938630337_n

Өткізу пункттеріндегі тәртіп полицейлер, дәрігерлер мен жергілікті билік өкілдерінің бақылауында. Үш бекеттің әрқайсысындағы 7 маман 12 сағат бойы кезекшілік етеді.

Рудный қаласының әкімі Бақытжан Ғаязов кез келген көлік «Сергек» жалпы базасы арқылы тексерілетіндігін тілге тиек етті.

– Полицейлер планшетпен «жасыл жол» бойынша өтетін кәсіпорындар мен көлік тізімін тікелей қарайды. Одан кейін жүргізушілер мен жолаушылардың дене қызуы өлшенеді. Медициналық қызметкерлер тепловизорлармен және дезинфекциялық құралдармен толық қамтамасыз етілген, – деді ол.

93448942_1641105482711476_5486088911864494454_n

Аймақ басшысы пандемияға төтеп берудің жалғыз жолы – таралу тізбегін тоқтату екендігін атап өтті. Осы орайда тәулігіне жүздеген адаммен қарым-қатынас жасайтын медициналық қызметкерлердің денсаулығына мән беруді тапсырды.

Айта кетейік, бүгінде облыс бойынша карантин режимін 29 блок-бекет, 33 мобильдік патруль мен 300-ге тарта жаяу патруль қамтамасыз етіп келеді.

Қуаныш ЕСҚАБЫЛ

Читайте также:

Добавить комментарий

Ваш адрес email не будет опубликован. Обязательные поля помечены *

↓