«Жылы» пәтердің жыры

Қостанай қаласының Гагарин көшесіндегі 14-ші үй тұрғындары жылу температурасы талапқа сай келмейтінін айтып, әкімдікке шағымданған. Осы мәселе бойынша жылу-энергетикалық компания басшысы кабинетінде қабылдау өткізіп, пәтер иелерінің талап-тілегін тыңдады. Кейін мамандар үйге барып, мәселенің мән-жайын анықтады. Компанияның баспасөз қызметі былай дейді: http://www.ktek.kz/?p=4293
Бұл мәселе жақында облыс әкімі Архимед Мұхамбетовтің есеп беру кездесуінде де көтерілді. Өңір басшысы бірінші орынбасарына жұртшылық шағымына байланысты арнайы жұмыс тобын құруды тапсырған. Облыс әкімдігі назарға алған мәселеге нақты кім жауапты? Қаланы жылумен қамтып отырған компания ма, әлде тұрғындардың өздері ме? Әр тараптың өз уәжі бар. Мейрамгүл Бижанова – Гагарин көшесіндегі 14-ші үйдің тұрғыны. Коммуналшылар жұмысына оның да көңілі толмайды.
whatsapp-image-2020-02-21-at-08.31.151-768x576
– Пәтеріміздің қабырғасы суланып, қыс бойы бала-шағаның денсаулығына алаңдаумен болдық, — дейді ол.
Компания басшысы көрсеткен кестедегі жылу көрсеткіштеріне пәтерлерін жазда ғана жөндеуден өткізгендер сене алмады. «Үйде жылытқыш плиталар қосып, электр қуатына артық төлеп отырмыз» деп налиды олар. Тіпті, үйіне бір түнеп шығуға шақырып жатқандар да болды.
Компания басшысы температура графигі бар екенін, жылу соған сәйкес берілетінін жеткізді. Қыс бойы ызғақтап шыққандар оған да сене қоймады. Сондықтан, жиналғандардың өтінішімен демалыс күндері арнайы комиссия Гагарин көшесіндегі 14-ші үйге тексеріс жүргізді. Аталған үйдің жай-күйіне, күтіміне жауапты Наталья Медведева тексерістен соң, қандай да бір жұмыстар басталып кеткенін айтады.
img_6520-1536x1024
Арнайы комиссия бұл мәселеге қатысты екі себепті көрсеткен. Олар: бірінші қабаттағыларға жылу жертөледен жеке тартылған және бірнеше пәтерлерде радиаторлар дұрыс орнатылмаған. Жауапты компания өкілдерінің айтуынша, қазір үй ішіндегі жылуды қалпына келтіру жұмыстары жалғасып жатыр. Ал, пәтер иелері өздері қаражат жинап, үйге жеке жылу айдау құрылғысын сатып аламыз деп отыр.
А.Жақсылықұлы

Читайте также:

Добавить комментарий

Ваш адрес email не будет опубликован. Обязательные поля помечены *

↓