АЙТЫС! АЙТЫС! АЙТЫС!

Жазба айтыс жалғасын табады! 
Облыс әкімдігінің ішкі саясат басқармасы мен облыстық "Қостанай таңы" газеті бірлесіп, Қостанай қаласы мен Қазақстанның халық ақыны Омар Шипиннің 140 жылдығы және аса көрнекті жазушы Бейімбет Майлиннің 125 жылдығына орай «Құтты мекен – Қостанай» атты республикалық жазба айтыс жариялайды. Өлең сайысына Қазақстанның барлық облысынан ақындар қатыса алады. Тек, шарт бойынша, әр аймақтан бір-бір өнерпазға ғана қатысу мүмкіндігі бар. Үміткерлердің сахна ақыны болуы міндетті емес, жазба ақындар да сайысқа түсуге ниет білдірсе, нұр үстіне нұр. Жеңімпаздарға ақшалай жүлделер тағайындалған. Ендеше, жазба айтыстың ереже-тәртібімен толығырақ танысыңыздар! Айтыс рубрика1
 
 
Қостанай қаласы мен Қазақстанның халық ақыны Омар Шипиннің 140 жылдығы және Алаштың арысы Бейімбет Майлиннің 125 жылдығына орай өткізілетін «Құтты мекен – Қостанай» атты республикалық ашық жазба айтыстың
ЕРЕЖЕСІ
Ұйымдастырушылар:
«Қостанай облысы әкімдігінің ішкі саясат басқармасы» ММ мен «Қостанай таңы» газетінің редакциясы» ЖШС-нің біріккен жобасы.
Айтыстың мақсаты:
— ұлттық бірегейлікті сақтау және нығайту;
— "Фольклор мен музыканың мың жылы" арнайы жобасын ілгерілету;
— "Ұлы даланың ұлы есімдері" арнайы жобасы аясында Алаш қайраткері Бейімбет Майлиннің (125 жыл) және халық ақыны Омар Шипиннің (140 жыл) шығармашылық мұрасын таныту.
Өтетін мерзімі:
2019 жылғы наурыз-шілде айлары аралығы.
Қатысушыларға қойылатын талаптар:
айтысқа облыс және республика ақындары қатысады;
— ақындардың жасына шектеу қойылмайды;
— қатысушылардың сөз өткірлігі, тапқырлығы;
— айтыс мәтінінің көркемдік деңгейі;
— айтыскердің берілген уақытты тиімді пайдалануы, тақырыпты аша білуі;
— қарсыласына ұтымды жауап қайтару шеберлігі.
Айтыстың өткізілу тәртібі:
1. Айтыс үш кезеңнен тұрады:
— бірінші кезең – іріктеу кезеңі;
— екінші кезең – жартылай финал;
— ақтық сын (финал).
2. Ақындар жеребе қорытындысы бойынша анықталған қарсыласымен сөз жарысына түседі, әр кезеңде қарсыластар жеребе арқылы анықталады;
3. Ақындар өзара интернет арқылы айтысып, бір-біріне тәулік ішінде жауап береді. Әр жұптың айтысы үш тәуліктен аспау шарт, әлдебіреуі жауапсыз қалған жағдайда жеңілген болып есептеледі. Егер екі ақын бірдей жауапсыздық танытса, айтыстан шеттетіледі;
4. Әр жұптың айтысы 4 кезектен аспауы керек. Сапасыз немесе әдепке қайшы жазылған сөздер қысқартылады;
5. Айтыс kostanaytany.kz сайтында және әр жұптың айтысы аяқталған соң газет бетінде ықшамдалып жарияланады;
5. Айтыс жеңімпаздары арнайы құрылған қазылар алқасы шешімімен анықталады. Жүлдегерлер 1-орын, 2-орын, 3-орын сыйлықтарымен марапатталады;
6. Айтыс қорытындысы Астана күні мерекесі қарсаңында шығарылады.
7. Марапаттау қорын Қостанай облысы әкімдігінің ішкі саясат басқармасы ұсынады;
8. Ұйымдастыру жұмыстарын «Қостанай таңы» редакциясы» ЖШС қамтамасыз етеді.
Айтыстың қазылар алқасы:
— қазылар алқасының құрамында дарынды ақын-жазушылар, сөз өнерінің құнын білетін кәсіби мамандар болады;
— қазылар алқасының шешімі түпкілікті және қайта қарауға жатпайды;
— қазылар алқасының шешімі хаттамамен рәсімделеді және оның барлық мүшелері қол қояды;
— ақындардың сөз саптауы дұрыс болмаған жағдайда қазылар алқасы ортақ шешіммен айтыс мәтінін газет бетіне жарияламауға құқылы.
Өтініштерді тапсыру шарттары:
Қатысушы мына құжаттарды:
— Айтысқа қатысу туралы өтінім (берілген үлгі бойынша)
— жеке куәлік көшірмесі;
— 1 сурет (13х18 см);
Өтініштер 2019 жылғы 11 наурызға дейін мына мекенжайда: Қостанай қаласы, әл-Фараби көшесі, 90 немесе [email protected], 8-778-029-92-51 нөмірі арқылы Whats App желісімен қабылданады.
 
ӨТІНІМ
 
Қатысушы ақынның Т.А.Ә._____________________________________________
Ұялы телефон нөмірі ________________________________________________
Мекенжайы _______________________________________________________
Жетістіктері________________________________________________________
Өтініш толтырылған күн______________________________________________

Читайте также:

Добавить комментарий

Ваш адрес email не будет опубликован. Обязательные поля помечены *

↓