Тақырып – жемқорлық

А.Байтұрсынов атындағы Қостанай өңірлік университеті Сыбайлас жемқорлыққа қарсы іс-қимыл агенттігінің Қостанай облысы бойынша Департаментімен және облыстық білім басқармасымен бірлесіп, колледж студенттері мен қала оқушылары арасында өңірде бірінші сыбайлас жемқорлыққа қарсы олимпиада өткізді.
Іс-шара "Саналы ұрпақ" жобалық кеңсесінің қолдауымен өтті және жастардың құқықтық сауаттылық деңгейін арттыруға, парасаттылық мәдениетін қалыптастыруға бағытталған. Бұл бастаманы Қостанайдың оқу орындары мен қоғамдық ұйымдардың өкілдері қолдады.
Тапсырма ретінде қатысушылар ел заңнамасының нормаларына және сыбайлас жемқорлыққа қарсы іс-қимыл саласындағы халықаралық тәжірибеге арналған бірқатар тапсырмаларды шешуі керек. Мемлекеттік қызмет саласындағы өзекті реформаларға байланысты ұйымдастырушылар ұсынған тақырыптардың біріне қатысушылар эссе жазды.
А.Байтұрсынов атындағы Қостанай өңірлік университетінің сыбайлас жемқорлыққа қарсы іс-қимыл жөніндегі штаб басшысы Карина Қыстаубаеваның айтуынша: "Сыбайлас жемқорлықтың алдын алу мәселелеріндегі тиімді саясат ұлттың тұрақты дамуының, оның рухани әлеуетін күшейтудің кепілі болады, сондықтан университет алдағы уақытта да парасаттылық, адалдық, әділдік және жоғары қазақстандық патриотизм мәдениетін қалыптастыруға бағытталған жобаларға белсенді түрде бастамашылық ететін болады".
Сондай-ақ, ұйымдастырушылардың айтуынша олимпиада дәстүрлі түрде өткізіліп тұрады және барлық мақсатты топтар арасында сыбайлас жемқорлыққа мүлдем төзбеушілік қағидаттарын қалыптастыруға қызмет етеді деп есептейді.
Байқаудың қорытындысы сыбайлас жемқорлыққа қарсы іс-қимыл Департаментінің "Antikor Ortalygy" алаңында шығарылды. Департамент басшысының бірінші орынбасары Смағұлов: "Бүгінде адамзатты прогрестің рухани-адамгершілік құндылықтарына, қоғамда сыбайлас жемқорлыққа "мүлдем төзбеушілік" қағидатын нығайтуға қайта бағдарлау қажет, өйткені ол іс жүзінде барлық салаларды қамтиды, осыған байланысты сыбайлас жемқорлыққа қарсы бастамалардағы жастардың рөлі ерекше орын алады және біз осы мақсатты топпен жұмысты одан әрі күшейтетін боламыз" — деп қорытындылады.
Байқау қорытындысы бойынша жеңімпаздар сыйлықтар мен грамоталарға ие болды. Олимпиадада бірінші орынды С.Мәуленов гимназиясының оқушысы Аружан Болатқызы, екінші орынды Қостанай политехникалық жоғары колледжінің студенті Виталий Овчинников, үшінші орынды С.Мәуленов атындағы гимназиясының оқушысы Арықпанов Сансызбай жеңіп алды.
Байқауға қатысушылардың айтуынша, сыбайлас жемқорлыққа қарсы іс-қимыл мәселелері сияқты маңызды тақырыпта зияткерлік шайқастарда пайдалы тәжірибе жинақтаған және болашақта бұл ауқымды жобаларға қатысуға ғана емес, сонымен қатар оларды өз бетінше бастауға мүмкіндік береді.

Читайте также:

Добавить комментарий

Ваш адрес email не будет опубликован. Обязательные поля помечены *

↓