ПРАЙМЕРИЗ ҚАТЫСУШЫЛАРЫ МАРАПАТТАЛДЫ

Бүгін Қостанай облысы атынан праймеризге қатысушыларды марапаттау рәсімі өтті.
«Nur Otan» партиясының Қостанай облыстық филиалы төрағасы Архимед Мұхамбетов партияішілік іріктеу қатысушыларымен өткен праймериз қортындылары туралы үгіт-насихат жұмысы барысында көтерілген өзекті мәселелер турасында сөз қозғап, барлық қатысушыларға алғыс хат табыстады.
daf00762-3eba-475e-b47a-80e90d8ae86e
–Бүгінгі таңда адамдар қоғам өміріне белсенді атсалысқысы келеді. Өзгерістерге жаңа тұлғалар мен тың идеяларға деген сұраныс арта түсуде. Еліміздің жетекші саяси күші ретінде «Nur Otan» партиясы ел сұранысын дер кезінде қанағаттандырып отыр. Жария түрдегі партияішілік іріктеу еліміз үшін соны саяси жаңалық ретінде жұрт қызығушылығын тудырғаны сөзсіз. Облысымыздан праймеризге 800 адам қатысты. Ауқымды үгіт-насихат жұмысы кезінде жүздеген кездесулер  өткізіліп, 150-ден астам жария пікірталас ұйымдастырылды. Праймериз аймақтың қоғамдық-саяси өміріне қажет партия мүшелерін таңдауға көмектесті. Праймериздің барлық қатысушылары рейтингіне қарамастан, партияның консультативтік-кеңесші органдарының құрамына енгізілетін болады. Праймеризге белсенді қатысқан үміткерлерге алғыс білдіргім келеді, –  деді Архимед Мұхамбетов.
b277012b-18e2-46c7-9628-e92ebabefd66
Өз кезегінде қатысушылар қауымы партия тарапына жылы лебіздерін білдірді.
–Мен «Nur Otan» партиясына осындай мүмкіндік бергені үшін үлкен алғысымды білдіргім келеді. Біз үшін бұл зор тәжірибе болды. Өткізген әрбір кездесуіміз бен кездестірген әрбір адам бізді жаңа дүниелерге үйретті. Барлығыңызға алғысым шексіз, – деді Наталья Лапшина.
58bfcd5e-be38-45dc-89b6-21d48fb41b35 78b3c681-a7bf-45f5-8d31-13d4a61b457d
Праймериз өткізу жөніндегі Орталық ұйымдастыру комитетінің ақпаратына сәйкес, Қостанай облысы бойынша төрт күнге созылған дауыс беруге 38 609 адам қатысты. Бұл ақпараттық жүйеде тіркелген партия мүшелерінің 85,5 %-ы. Сайлаушылардың басым бөлігі, яғни  29 215 адам онлайн дауыс берді. 9394 партиялық дәстүрлі әдісті пайдаланып, сайлау учаскелеріне келді.
–Осы көрсеткіштердің өзі-ақ елімізде ғана емес, бүкіл Орта Азияда тұңғыш рет ұйымдастырылған жаңа саяси құрал. Праймеризге көпшіліктің ерекше қызығушылық танытқанын және оның өз деңгейінде өткенін айқын көрсетті. Сайлау қорытындылары бойынша бүкіл мәлімет «Праймериз» ақпараттық жүйесіне толық салынып, баршаға қолжетімді болды, – дейді «Nur Otan» партиясының Қостанай облыстық филиалы төрағасының бірінші орынбасары Эльдар Күзенбаев.
aa6a2b9c-0442-4aab-857a-a181f81b0998
Жалпы, праймериз нәтижесінде Елбасы бастамасымен былтыр қолға алынған партияны «қайта жандандыру» бағдарламасы түйінделді. Партия түбегейлі жаңғырып, қатары жаңа тұлғалармен толықты. Осылайша, «Мықты лидерлер – мықты партия» қағидаты жүзеге асты.

Читайте также:

Добавить комментарий

Ваш адрес email не будет опубликован. Обязательные поля помечены *

↓