Бүгін – 18 қыркүйек // Халықаралық электронды кітап күні // Бүкіләлемдік суды мониторингілеу күні // 1993 жылы Қазақстан Республикасының Президенті Н.Ә.Назарбаев Министрлер кабинеті жанынан мемлекеттік «Қазақстан» телерадио хабар тарату компаниясын құру туралы Жарлық шығарды. // 1998 жылы Мемлекеттік қызмет істері агенттігі және Мемлекеттік қызмет академиясы құрылды. // 2006 жылы Алматыда 1986 жылғы Желтоқсан оқиғасының 20 жылдығына арналған «Тәуелсіздік таңы» ескерткішінің салтанатты ашылу рәсімі өтті. // 2009 жылы Мемлекет басшысы Нұрсұлтан Назарбаев «Халықтың денсаулығы және денсаулық сақтау жүйесі туралы» Қазақстан Республикасының Кодексіне қол қойды. // 2014 жылы Алматы облысында Халықаралық бокс қауымдастығының Дүниежүзілік бокс академиясы ашылды. // 2015 жылы Қазақстан Республикасының Ұлттық мұрағатында Қазақ хандығының 550 жылдығына арналған тарихи құжаттар көрмесі ашылды. // 47 жыл бұрын (1971) саяси ғылымдар кандидаты, «Қасиетті Қазақстан» ғылыми-зерттеу орталығының басшысы Берік ӘБДІҒАЛИҰЛЫ дүниеге келген. //